Ministri Shala inspektoi punimet në Shtëpinë e Kulturës në Kastriot

03/04/2017 Institucionet

Ministri i Kulturës, Rinisë dhe Sportit, Kujtim Shala bashkë me Kryetarin e Komunës së Kastriotit, Xhafer Gashi, kanë inspektuar punimet në ndërtimin e Shtëpisë së Kulturës në Kastriot, ku panë nga afër punimet që janë duke u zhvilluar aty.

Në këtë projekt Ministria e Kulturës, Rinisë dhe Sportit, ka investuar 800 mijë euro, dhe ministri Shala u shpreh se ndjehet i kënaqur me dinamikën e punës që është zhvilluar në këtë projekt kapital.

“Jam këtu me ekipin tim për të parë nga afër punimet në objektin e ri të shtëpisë së kulturës në Kastriot dhe siç na njoftoi kryetari këtu punimet kanë filluar para tri jave dhe duket që kanë ecur shumë mirë, ne jemi shumë të kënaqur me rrjedhën e punimeve dhe po ashtu jemi shumë të kënaqur që kemi mundësi të ndihmojmë Komunën e Kastriotit që më në fund të ketë një objekt modern i cili do të jetë në shërbim të gjithë qytetarëve të Kastriotit”, tha ministri, duke shtuar se “Jemi shumë të kënaqur në këtë fazë dhe shpresoj që do të ecin kështu që punimet të finalizohen më shpejtë dhe që objekti të jetë gati”.

Ndërkaq, kryetari i Komunës së Kastriotit, Xhafer Gashi ka falënderuar ministrin Shala për angazhimin e tij që nga dita e parë e marrjes së detyrës, i cili ka treguar interesim që Kastrioti të bëhet me ndërtesë të re dhe moderne të kulturës, dhe tregoi se mbarëvajtja e punës po shkon më shpejtë se sa është planifikuar.

“Plani dinamik është për një vit, por siç po shihet kjo ka gjasë që të përmbyllet edhe më herët por prapë po e them kjo është meritë duke filluar nga Ministria e Kulturës dhe në këtë rast ministrit Shala që vazhdimisht ka qenë i përkushtuar dhe i angazhuar që të zhvillohet ky aktivitet sa më shpejtë që është e mundur”, ka thënë Gashi.

Kontrolloni gjithashtu

Kryetari Haliti i nderon me mirënjohje të pensionuarit Agush Hasani dhe Samet Zuka

Kryetari i komunës së Vitisë, Sokol Haliti, së bashku me drejtoreshën e Arsimit në Viti, …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara