Me moton “Ti je pjesë e atdheut” kanë filluar aktivitetet për ditët e mërgatës në Kaçanik

28/07/2017 Institucionet

Kryetari i Komunës së Kaçanikut Besim Ilazi i shoqëruar nga stafi përcjellës, priti në takim bashkatdhetarët kaçanikas të cilët jetojnë dhe veprojnë në vende të ndryshme të botës. Me këtë rast Kryetari Ilazi i falënderoi për kontributin e dhënë në periudhën para lufte dhe gjatë ndërtimit të shtetit. “Ju jeni pjesë e pandashme e zhvillimit të ndryshimeve që janë bërë në Kaçanik që nga koha e pasluftës, por angazhimi dhe forca e diasporës ka qenë e madhe edhe në periudhat më të vështira në të cilat ka kaluar vendi ynë, ju jeni shtylla kryesore e zhvillimit të vendit” tha mes tjerash Kryetari Ilazi, ndërsa shtoi se këto aktivitete janë një simbolikë për kontributin e juaj. Kryetari kërkoi nga bashkatdhetarët që të shprehin shqetësimet, problemet dhe brengat e tyre, ndërsa shtoi se me vullnet dhe mirëkuptim do të mundohemi të ndryshojmë dhe të punojmë brenda mundësive. Nga ana tjetër këtë takim e përshëndetën bashkatdhetarët, ndërsa shprehën brengën e tyre për disa çështje. Ata u shprehën të shqetësuar lidhur me problemin e mbeturinave e deponive ilegale, shpejtësinë e veturave në komunikacion, pirja e duhanit në hapësira të mbyllura publike, mungesa e mediave në Kaçanik, ndërsa si problem kryesor ata shprehën asimilimin e bashkatdhetarëve, kurse kërkuan që të hapet një shkollë verore për fëmijët e diasporës gjatë stinës së verës. Përveç shqetësimeve ata janë ndarë të kënaqur me zhvillimet që janë duke u realizuar, si projekti i vendosjes së adresave, objekti i ri i QKMF-së si dhe mirëmbajtja dhe sjelljet e mira të stafit mjekësor, si dhe procedurat e shpejtuara administrative për nxjerrjen e dokumenteve të nevojshme familjare. Takimin e përshëndeti edhe Komandanti i Stacionit të Policisë në Kaçanik kapiten Afrim Halili, kryetarja e Qendrës Kulturore “Kaçaniku” Remzie Dardhishta si dhe stafi përcjellës ekzekutiv. Në takim u bë e ditur se me datë 29 Korrik 2017 ( E shtunë) për mërgimtarët do të organizohet një piknik në fshatin Shtrazë.

Kontrolloni gjithashtu

U mbajt akademi përkujtimore në nderim të heroit Abaz Thaçi dhe 10 dëshmorëve tjerë nga Drenica

Në Qendrën e Kulturës “Hasan Prishtina” në qytetin e Skenderajt është mbajtur akademi përkujtimore në …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara