Mundësi bashkëpunimi mes arkivave të Kosovës dhe Turqisë

04/11/2016 Institucionet

Zëvendësministri i Kulturës, Rinisë dhe Sportit, Rexhep Hoti në kuadër të vizitës zyrtare në Republikën e Turqisë, ka vazhduar takimet e rëndësishme në Stamboll.

Atje është takuar me drejtorin e Arkivave Osmane, Önder Bayir ku kanë diskutuar me theks të veçantë për fillimin e bashkëpunimit mes arkivave të të dyja shteteve.

Në takim u hodh ideja e hapjes së një zyre në Kosovë të Arkivës Osmane e cila do t’i mundësonte qasjen e drejtpërdrejt jo vetëm studentëve, por edhe ekspertëve profesional.

Lidhur më këtë, zëvendësministri Hoti shprehi gatishmërinë për çdo mbështetje.

Duke folur për arkivat, Hoti tha se Republika e Kosovës nuk ka asnjë pengesë në qasje totale të arkivës.

Zëvendësministri Hoti dhe Bayir diskutuan edhe për të kaluarën e Kosovës dhe ishte konstatim i dyanshëm se e vërteta mbi të kaluarën e Kosovës është e pakontestuar.

Zëvendësministri si dhuratë i dorëzoi drejtorit Bayir 28 hartat e Kosovës gjatë kohës së Perandorisë Osmane.

Kontrolloni gjithashtu

Bashkim Ramosaj: Komuna e Deçanit ka fituar të drejtën për shfrytëzimin e tokave në Parkun Kombëtar “Bjeshkët e Nemuna”

Fitimi i të drejtës për shfrytëzimin e tokave në Parkun Kombëtar “Bjeshkët e Nemuna” është …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara