Me nderime të larta ushtarake është varrosur në Prishtinë, Shasivar Makolli

Me nderime të larta ushtarake është varrosur në Prishtinë, Shasivar Makolli

Me nderime të larta ushtarake dhe në prani të shumë bashkëveprimtarëve dhe figurave të njohura publike është varrosur të enjten në Prishtinë veprimtari i çështjes kombëtare, Shasivar Makoll. Një ndër bashkëveprimtarët e tij, Shaban Muja, e ka kujtuar të ndjerin si një njeri që kishte vullnet të madh për të punuar për Kosovën ndërsa humbja e tij, sipas Mujës, do të lë boshllëk të madh në shoqëri.  Shasivar Makolli gjatë vitit 1999 ka punuar në zyrën e përfaqësuesit politik të UÇK-së në Prishtinë, Adem Demaçit. Në emër të kësaj zyre një fjalë rasti ka mbajtur deputeti i Kuvendit të Kosovës, Albin Kurti, i cili ka qenë edhe zëdhënës i UÇK-së. Kurti e ka kujtuar Makollin si njërin ndër veprimtarët që ka rrezikuar jetën për lirinë e popullit. “Jemi mbledhur sot këtu që t’ia japim lamtumirën e fundit këtu ‘Çalit’, një njeriu dhe një shqiptari, këtij qytetari e këtij veprimtari, i cili jo vetëm që shpesh e rrezikoi jetën e vet për lirinë e popullit, por e rrezikoj atë vazhdimisht, sikur para luftës ashtu edhe pas luftës.  Me rastin e vdekjes së veprimtarit Shasivar Makolli kanë arritur shumë telegrame ngushëllime nga të gjitha hapësirat shqiptare dhe nga diaspora.  Telegrame ngushëllimi kanë ardhur nga Fondi “Nderi i Kombit, Adem Demaçi”, Shoqata Kulturore “Mëmëdheu” nga Zvicra, “Lëvizja për Integrime” e Luginës së Preshevës etj. Në varrim të Makollit kanë marrë pjesë deputetë të Kuvendit të Kosovës, ministra të Qeverisë së Kosovës dhe përfaqësues të partive politike.

Kontrolloni gjithashtu

Komisioni për Politikë dhe Demokraci i Asamblesë Parlamentare të Këshillit të Evropës miraton raportin për kërkesën e anëtarësimit të Kosovës

Asambleja Parlamentare e Këshillit të Evropës ka shënuar një hap të rëndësishëm në procesin e …