Në 18 vjetorin e rënies përkujtohen dëshmorët Feriz e Xhevdet Guri

23/04/2017 Institucionet

Me një manifestim përkujtimor, janë përkujtuar dëshmorët Feriz Guri “Komandant Shpata” dhe Xhevdet Guri. Kryetari i Komunës së Kaçanikut Besim Ilazi, në fjalimin e tij tha se luftëtarët gjithmonë do të jenë të denjë, kurse dëshmorët do të jenë të përjetshëm. Kryetari Ilazi tha se në këtë manifestim, përkujtojmë luftën heroike dhe sakrificën e këtij populli, freskojmë kujtimet për dëshmorët dhe të rënët për lirinë që sot e gëzojmë. “Dëshmorët ishin ideatorët, projektuesit dhe vizionarët e së ardhmes sonë të ndritur. Liria kishte sakrificën e saj, ndërsa dëshmorët ishin ata që u përballën me një armik të pabarabartë në luftë, por që në fund ky përkushtim i tyre u kurorëzua me lirinë e shumëpritur” tha Kryetari Ilazi. Për veprimtarinë e Komandant Shpatës foli edhe Hajrush Kurtaj- Kryetar i Organizatës së Veteranëve të Luftës dega në Kaçanik, i cili tha se Ferizi ishte i gatshëm në secilën betejë ku thirrej për mbrojtje të atdheut, ndërsa ishte i shoqëruar edhe nga bashkudhëtari i tij i lirisë dëshmori Xhevdet Guri. Në emër të familjeve të dëshmorëve të pranishmit i përshëndeti dhe falënderoi për pjesëmarrje vëllai i Komandant Shpatës Habib Guri. Është shfaqur edhe një program i shkurtër artistik, ndërsa më pas janë bërë homazhe te varrezave e dëshmorëve.

Kontrolloni gjithashtu

Nënshkruhet Memorandum i Mirëkuptimit në mes të Komunës së Vitisë dhe organizatës “CNVP”

Sot, kryetari i komunës së Vitisë, Sokol Haliti, ka pritur në takim Xhevat Lushin – …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara