Në Ferizaj u mbajt tryezë pune me temën “Reagimi i emergjencave shëndetësore të regjionit të Ferizajt në raste emergjente”

Tema të tjera...

Në QKMF-në në Ferizaj ishin për vizitë Dr. Edita Haxhiu – përfaqësuese nga OBSh, Dr. Fetije Fetaj nga IKShPK dhe një përfaqësuese nga UNICEF-i

30/04/2024

Në komunën e Rahovecit mbahet tryeza e diskutimit “Ora e gjelbër”, e organizuar nga SHL Kosova

30/04/2024

U mbajt mbledhja e Kuvendit Komunal të komunës së Deçanit, e katërta për këtë vit

30/04/2024

Në komunën e Deçanit është organizuar punëtoria me temën ““Dhuna në familje dhe Mekanizmi Komunal kundër Dhunës në Familje”

30/04/2024

Kuvendi Komunal në komunën e Skenderajt ka mbajtur seancën e rregullt

30/04/2024

Kryetari Nura dhe zv. Ministri Hysen Durmishi nënshkruan memorandum bashkëfinancimi

30/04/2024

Organizuar nga drejtori i DSHMS-së-Ferizaj, Dr. Kemajl Emini në Qendrën Trajnuese të Mjekësisë Familjare në Ferizaj u mbajt tryezë pune me temën “Reagimi i emergjencave shëndetësore të regjionit të Ferizajt në raste emergjente”. Në këtë takim krahas nikoqirëve (DSHMS dhe QKMF – Ferizaj) morën pjesë drejtorë e  DSHMS-ve, drejtorët dhe kryeinfermierët e QKMF-ve nga Kaçaniku, Shtimja, Vitia, Hani i Elezit, Spitali i Përgjithshëm –Ferizaj, si dhe përfaqësues nga FSK dhe Policia e Kosovës. Takimin e hapi Drejtori i DSHMS-Ferizaj, Dr. Kemajl Emini me ç’rast falënderoi përfaqësuesit e QKMF-ve të regjionit dhe Spitalit të Ferizajt, për bashkëpunimin e vazhdueshëm, si dhe paraqiti në diskutim pikat në vazhdim:

• Reagimi i urgjencave parësore të regjionit të Ferizajt dhe Emergjencës së Spitalit të Përgjithshëm të Ferizaj në koordinim me FSK-në dhe Policinë e Kosovës.

• Dhurimi i Gjakut nga punëtorët shëndetësorë – në Ditën Ndërkombëtare të Dhurimit të Gjakut – më 14.06.2024 (nga ora 9.00)

• Ushtrim fushor i emergjencave – më 14.06.2024 (ora 11.00) dhe

• Bashkëpunimi i Kujdesit Parësor Shëndetësor me Spitalin e Përgjithshëm të Ferizajt.

Në vazhdim u prezantua plani i veprimit të emergjencave parësore të regjionit të Ferizajt dhe Emergjencës së Spitalit të Përgjithshëm të Ferizaj nga Kryeinfermieri i QKMF Selim Bega, i hartuar nga QKMF-SHEP në bashkëpunim me Emergjenca e Spitalit të Përgjithshëm, Dr. Sefedin  Fazliu dhe Dr. Përparim Ramusaj. Të pranishmit vlerësuan lart këtë udhëzues të cilin e diskutuan në hollësi si dhe shprehën gatishmërinë për bashkëpunimin e mëtejmë dhe reagimin e koordinuar në raste aksidentesh madhore apo fatkeqësive eventuale. Temë tjetër diskutimi në tryezë ishte dhe bashkëpunimi i nivelit primar shëndetësor të regjionit me Spitalin e Përgjithshëm (rajonal) të Ferizajt.