Në Gjenevë u shënua 28 nëntori-Dita e Flamurit

03/12/2018 Institucionet

Organizuar nga Komuniteti shqiptar i Gjenevës, është mbajtur të shtunën një manifestim për nderë të 28 Nëntorit-Ditës së Flamurit kombëtar dhe Pavarësisë së Shqipërisë. Në mesin e shumë personaliteteve publike, mysafir special i këtij manifestimi ishte edhe kryetari i komunës së Vitisë Sokol Haliti dhe kryetari i Skenderajt Bekim Jashari. Me këtë rast, u shfaq edhe një program kulturor e artistik i përgatitur nga komuniteti shqiptar i Gjenevës, ndërsa u fol edhe për rendësin e Festave të nëntorit. Në fjalën e tij, kryetari i komunës së Vitisë Sokol Haliti ka theksuar se ndjehet i nderuar të jetë së bashku me mërgatën dhe të jetë pjesë e një ngjarje shumë të veçantë, që shënon 106 vjetorin e Pavarësisë së Shqipërisë dhe Flamurit kombëtar. “Sot kur po shënojmë festën e madhe të Flamurit Kombëtar dhe Pavarësisë së Shqipërisë, kujtojmë kontributin e madh të mërgatës sonë shumë të çmueshme dhe rolin e saj shumë produktiv që dha për sendërtimin e vendit. Mërgata jonë, ishte në ballë të zhvillimeve dinamike, në krye të proceseve dhe gjithnjë e gatshme të sakrifikonte çdo gjë për të ndihmuar popullatën e Kosovës. Ju mbështetet organizime e nisma të ndryshme humane, mbajtët barrën edhe të financimit në përkrahje të luftës çlirimtare të vendit dhe ishit me ne çdo herë kur vendi kishte nevojë. Andaj, ky kontribut i juaji, do të shërbej brezave të rinj, si shembull i atdhedashurisë se vendlindja është e shenjtë. Edhe ne si institucione komunale, jemi të përkushtuar që të vazhdojmë rrugëtimin që e nisën të parët tanë, që me punën dhe angazhimin tonë të krijojmë qytetarit një jetë më të mirë dhe të begatë, me të gjitha parakushtet krahas qytetarëve të shteteve tjera evropiane”, ka thënë kryetari Haliti. Në shenjë falënderimi dhe për kontributin e dhënë në zhvillimin të aktiviteteve për mërgatën shqiptare, kryetari Haliti e ka nderuar me një dekoratë kryetaren e Komunitetit Shqiptar të Gjenevës Afërdita Krasniqi. Ndërkohë, gjatë qëndrimit në Zvicër, kryetari ka zhvilluar edhe një takim me mërgimtar të komunës së Vitisë që jetojnë dhe punojnë në Gjenevë.

Kontrolloni gjithashtu

Me ftesë të kryetarit Kastrati udhëheqja e komunës së Meyrinit (Zvicër) po qëndron në Malishevë

Me ftesë të kryetarit të Komunës së Malishevës, Ekrem Kastrati, një delegacioni i komunës së …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara