Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sot në Gjykatën Speciale, në Hagë, po mbahet seanca përgatitore në gjykimin kundër krerëve të Organizatës së Veteranëve të Luftës së UÇK-së, Hysni Gucati dhe Nasim Haradinaj. Pasi u diskutuan disa çështje të tjera, gjykatësi u ndal në çështjen e pjesëmarrjes së dëshmitarëve të zgjedhur nga Prokuroria në procesin gjyqësor. Avokatët e Gucatit dhe Haradinajt kanë kërkuar që Prokuroria t’i publikojë emrat e dëshmitarëve që i ka zgjedhur për t’i dëgjuar, ndërsa Prokuroria përmes një parashtrese ka thënë se nxjerrja e këtyre emrave mund t’i rrezikonte ata. Me këtë rast, gjykatësi e pyeti prokurorin nëse i kanë njoftuar dëshmitarët se nuk do të aplikoheshin masa mbrojtëse për ta. Ju i keni kërkuar këtyre personave që t’i përgatisin deklaratat për procesin gjyqësor”, ka saktësuar gjykatësi. Duke mbrojtur mënyrën e sjelljes së prokurorisë me dëshmitarët, prokurori i Zyrës së Prokurorit të Specializuar tha: “Kjo është mënyra. Ne duhet të marrim deklarata, duhet t’i nxjerrim ato.” Dy krerët e Organizatës së Veteranëve të Luftës, Hysni Gucati dhe Nasim Haradinaj, nuk kanë marrë pjesë në seancën e parë përgatitore.
