Në Komunën e Rahovecit shënohet 7 Marsi Dita e Mësuesit

07/03/2019 Institucionet

Në Shtëpinë e Kulturës “Mensur Zyberaj”, në qytetin e Rahovecit, në organizim të Drejtorisë Komunale të Arsimit në Komunën e Rahovecit është shënuar 7 Marsi Dita e Mësuesit. Për nder të kësaj dite të veçantë, Shkolla e Mesme e Ulët e Muzikës “Faik Sylka”, ka mbajtur koncert festiv. Të pranishëm në koncert ishin Avni Morina drejtor i Drejtorisë Komunale të Arsimit, Naser Dula drejtor i Shkollës së Mesme të Ulët e Muzikës “Faik Sylka”, në qytetin e Rahovecit, drejtor të shkollave, mësimdhënës dhe prindër. Avni Morina drejtor i DKA-se, në fjalën e tij te mbajtur ka thënë se, si çdo vit edhe sot jemi mbledhur për të festuar bashkë ditëlindjen e shkollës shqipe, në shenjë kujtimi e mirënjohje të thellë për ata që na mësuan shkronjat e para shqipe, të flasim e të mendojmë shqip e para së gjithash, na mësuan të duam atdheun tonë shqip. “132 vite më parë, shkëlqyen rrezet e dritës së diturisë dhe shumë shpejtë ato u përhapen në çdo pëllëmbë toke, ku bukës i thonë bukë e ujit i thonë ujë. Edhe pse në kushte të vështira, kur mësimi i gjuhës shqipe në kushte të sundimit osman ishte rreptësisht i ndaluar, mësonjëtorja e Korçës qëndroj e hapur për gati 20 vjet. Drejtuesit e saj ishin figura të njohura të rilindjes sonë kombëtare, me atë mundësi që kishin, ata u bënë nismëtar të krijimit të teksteve të para shkollore të dokumentuara, duke i kushtuar një rëndësi të veçantë dhe të madhe pajisjes me mjete të duhura të mësimdhënies për të bërë më tej edhe shpërndarjen e tyre, tek nxënësit e tyre. Të edukuar dhe më frymën e lartë të atdhetarizmit, këta nxënës do të bëheshin në të ardhmen edhe pasuesit e denjët të ideologjisë, tërësisht kombëtare të mësuesve të tyre dhe luftëtarëve të lirisë kombëtare. Në shenjë nderimi, respekti dhe nderimi për kontributin e mësonjëtores së Korçës dhe mësueseve të saj, 7 Marsi është caktuar si ditë e mësuesit dhe shkollës shqipe”, ka thënë ndër të tjera drejtori Morina në fjalimin e tij.

Kontrolloni gjithashtu

Kryetari Haliti uron besimtarët ortodoks me rastin e festës së Pashkëve

Kryetari i komunës së Vitisë Sokol Haliti ka uruar besimtarët ortodoks me rastin e festës …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara