Brickos

Kuvendi i Kosovës

Në Kuvendin e Kosovës u miratua Rezoluta për mbrojtjen e vlerave të UÇK-së

Pas një debati të gjatë, në Kuvendin e Kosovës, me 61 vota për, asnjë kundër dhe 11 abstenime, u miratua Rezoluta për mbrojtjen e vlerave të Ushtrisë Çlirimtare të Kosovës. Gjatë hedhjes në Rezolutës për votim, abstenuan deputetët e Lëvizjes Vetëvendosje. Ata kanë propozuar një rezolutë tjetër por ajo nuk është hedhur në votim nga kryetari i Kuvendit, Kadri Veseli me arsyetimin se me këtë rezolutë duhet të ndërrohet Kushtetuta. Në rezolutën e harmonizuar nga Grupet parlamentare të pozitës, por të abstenuar nga Vetëvendosje, thuhet se Kuvendi i Kosovës zotohet që brenda gjashtë muajve do ta miratojë Ligjin për mbrojtjen e vlerave të Ushtrisë Çlirimtare të Kosovës dhe luftës së saj për çlirim. “Lufta çlirimtare e Kosovës e udhëhequr nga Ushtria Çlirimtare e Kosovës me qëllim të çlirimit të Kosovës, sjelljes së lirisë dhe pavarësie për popullin e Kosovës me karakter mbrojtjen dhe çlirimtare, duke e respektuar, të drejtën dhe standardet më të larta të luftës, e drejtuar ekskluzivisht kundër forcave ushtarake policore dhe administratës okupuese të Serbisë në Kosovës, është lufta e armatosur e popullit të Kosovës e cila mbrohet dhe çmohet nga çdo qytetarë dhe institucion i Republikës së Kosovës. Pjesëtarët e UÇK-së, me sakrificën dhe angazhimin dhe kontributin e tyre të çmuar në luftën e çlirimtare të Kosovës ishin faktor vendimtar për sjelljen lirisë, e pavarësisë për popullin e Kosovës dhe në këtë drejtim gëzojnë dhe duhet të gëzojnë mbështetjen dhe vlerësimin e tyre të merituar institucional në pajtim me Kushtetutën dhe legjislacionin në fuqi”, thuhet tekstualisht në rezolutë.

Kontrolloni gjithashtu

Komisioni për Politikë dhe Demokraci i Asamblesë Parlamentare të Këshillit të Evropës miraton raportin për kërkesën e anëtarësimit të Kosovës

Asambleja Parlamentare e Këshillit të Evropës ka shënuar një hap të rëndësishëm në procesin e …