Në MEA nënshkruhet marrëveshje për shfrytëzimin e 1 milion eurove për zhvillimin e projekteve të efiçiencës së energjisë

Nënshkruhet marrëveshje për shfrytëzimin e 1 milion eurove për zhvillimin e projekteve të efiçiencës së energjisë

Agjencia Kosovare për Efiçiencë të Energjisë dhe Fondit Kosovar për Efiçiencë të Energjisë̈ kanë nënshkruar marrëveshje për shfrytëzimin e 1 milion eurove për zhvillimin e projekteve të efiçiencës së energjisë. Ministri i Ekonomisë dhe Ambientit, Blerim Kuçi tha se 17 milionë euro janë tashmë në Fondin Kosovarë dhe prej këtij momenti është funksionalizuar për implementimin e projekteve. Ministri po ashtu theksoi se është më rëndësi që këto mjete të nisin të shfrytëzohen sa më shpejt, që konsiderohet si mundësi për zhvillim ekonomik në vend. Kryeshefi i Agjencisë Kosovare për Efiçiencë të Energjisë, Arsim Kuliqi, ka thënë se në këtë kohë të pandemisë, funksionalizmi i fondit është mjaft i dobishëm. Ai parasheh që do të ketë rreth 40 përqind kursime të shpenzimeve për energji elektrike. Ndërsa, kryesuesi i bordit të Fondit për Efiçiencë, Lum Mita, tha se me funksionalizmin e Fondit Kosovarë për Efiçiencë të Energjisë, Kosova do të jetë më afër BE-së. Komunat e Kosovës për objektet publike do të jenë përfituesit më të mëdhenj të këtij Fondi, veçanërisht për objektet spitalore dhe shkollore.

Kontrolloni gjithashtu

Maja Vukiçeviq, deputetja malazeze shkakton polemika duke votuar kundër anëtarësimit të Kosovës në KE

Maja Vukiçeviq, deputetja proserbe e proruse e Malit të Zi shkaktoi polemika duke votuar kundër …