Kadri Veseli

Në takimin koordinues për dialog me Serbinë, sërish munguan LDK-ja dhe Lëvizja Vetëvendosja

Takimit koordinues për dialogun me Serbinë, sërish i munguan dy partitë opozitare, LDK dhe Vetëvendosje. Organizatori  i këtij takimi, Kadri Veseli pati një porosi për LDK-në, që  të mos t’i fërkojë duart. Veseli pas takimit koordinues për dialogun me Serbinë, i iniciuar nga vet ai, tha se refuzimi i serishëm i ftesës së tij nga dy partitë opozitare, po bëhet si rezultat i egos politike për rehabilitime. Ai më kritik u tregua ndaj LDK-së, ku pas deklaratave të të parit të kësaj partie, Isa Mustafa, se Qeveria Haradinaj duhet të shkojë në shtëpi, Veseli është përgjigjur se LDK asnjëherë nuk i pranon zgjedhjet kur nuk fiton. Me gjithë këtë, Veseli u shpreh i bindur se vendimmarrja nuk do të mungojë. Sipas tij, çdo vendim do të jetë me 2/3 e Kuvendit dhe po ashtu, ai përmendi referendumin përmes së cilit do të vendosin vet qytetarët.

Kontrolloni gjithashtu

Jorn Rohde: Dërgimi i Projektligjit për Këshillin Prokurorial të Kosovës në Komisionin e Venecias është veprim i duhur

Jorn Rohde: Gjermania nuk ka vënë në pikëpyetje legjitimitetin e rregullores së BQK-së

Ambasadori i Gjermanisë në Kosovë, Jorn Rohde, deklaroi se Gjermania nuk ka vënë në pikëpyetje …