Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në 28-vjetorin e rënies së Heroit të Kombit, Agim Mazrekaj, Organizata e Veteranëve të Luftës së UÇK-së – Dega Deçan organizoi homazhe dhe vendosje të kurorave me lule në vendin e rënies së tij, në Voksh. Në ceremoninë përkujtimore morën pjesë Ramush Haradinaj, Abdyl Mushkolaj, bashkëluftëtarë, familjarë të dëshmorit dhe qytetarë të shumtë, të cilët nderuan veprën dhe sakrificën e Agim Mazrekajt, i cili la jetën që kishte ndërtuar në Zvicra për t’iu bashkuar radhëve të Ushtria Çlirimtare e Kosovës në mbrojtje të atdheut. Sipas OVL-UÇK-së, më 7 korrik 1998 u shkrua një kapitull i rëndësishëm i historisë së luftës, ku në përballje me forcat serbe ranë heroikisht disa nga luftëtarët më të mirë të UÇK-së, duke lënë pas një trashëgimi të përhershme sakrifice dhe atdhedashurie. Me homazhet e zhvilluara në Voksh u përkujtuan heroizmi dhe flijimi i dëshmorëve të kombit, ndërsa u përcoll mesazhi se kujtimi për ta mbetet i përjetshëm.
