Nënkryetari i Komunës së Skenderajt, Fadil Nura, ka pritur në takim kryetarin e Shoqatës së Kosovës për Kërkim dhe Shpëtim, Mentor Malokun

11/11/2026 Institucionet

Nënkryetari i Komunës së Skenderajt, Fadil Nura, së bashku me Drejtorin e Drejtorisë për Shërbime Publike (DSHP), Arbër Geci, kanë pritur sot në takim kryetarin e Shoqatës së Kosovës për Kërkim dhe Shpëtim, Mentor Malokun, së bashku me anëtarë të tjerë të kësaj shoqate.

Gjatë takimit është diskutuar mundësia e themelimit të një dege të Shoqatës së Kosovës për Kërkim dhe Shpëtim në Komunën e Skenderajt, si dhe hapat dhe procedurat e nevojshme institucionale për realizimin e këtij procesi.

Themelimi i kësaj dege do të kontribuonte në zgjerimin e kapaciteteve lokale në fushën e kërkim-shpëtimit dhe në forcimin e gatishmërisë për reagim në situata emergjente, në funksion të sigurisë dhe mbrojtjes së qytetarëve.

Komuna e Skenderajt mbetet e përkushtuar për të garantuar sigurinë dhe mirëqenien e qytetarëve të saj, duke mbështetur iniciativa dhe bashkëpunime që kontribuojnë në rritjen e kapaciteteve për parandalim dhe reagim efektiv në situata emergjente.

Kontrolloni gjithashtu

Komuna e Skenderajt dhe UNDP vazhdojnë mbështetjen për bizneset lokale, synohet rritja e konkurrueshmërisë dhe zhvillimi ekonomik

Komuna e Skenderajt, në bashkëpunim me Programin e Kombeve të Bashkuara për Zhvillim (UNDP) në …

Bashkëpunëtor
Radio Kosova e Lirë 94.2 FM
Kjo ueb-faqe mirëmbahet nga Radio Kosova e Lirë. Materialet dhe informacionet e publikuara në këtë faqe, të cilat janë pronë e Radio Kosovës së Lirë dhe të redaksisë “Dëshmorët e UÇK-së”, nuk mund të kopjohen, riprodhohen, shtypen apo të përdoren në çfarëdo forme tjetër për qëllime përfitimi, pa lejen paraprake të redaksisë. Radio Kosova e Lirë mban të gjitha të drejtat e rezervuara, në përputhje me dispozitat ligjore që rregullojnë të drejtat e autorit dhe pronën intelektuale. © Copyright 2005 - 2026, Të gjitha të drejtat e rezervuara