Brickos

Nga gjithsej 84 kandidatët që konkurruan për Akademinë ushtarake të Maqedonisë nuk u pranua asnjë shqiptar

Nga gjithsej 84 kandidatët që konkurruan për Akademinë ushtarake të Maqedonisë nuk u pranua asnjë shqiptar

Dekani i Akademisë Ushtarake të Maqedonisë, Orçe Popovski  ka bërë të ditur se në konkursin e majit, 12 nga gjithsej 84 kandidatët e paraqitur ishin shqiptarë, por asnjëri prej tyre nuk u pranua, shkruan Alsat-M. Nga gjithsej 27 që u thirrën të testohen në psiko-test për herë të dytë, u paraqiten 14 kandidatë, mes të cilëve vetëm 5 shqiptarë. Megjithatë kandidatët u ankuan se ishin penguar të hynin sërish në test nga anëtari i komisionit, Petre Ristevski. Kandidatët të cilët duan të jenë pjesë e arsimit të lartë ushtarak duhet fillimisht ta kalojnë psiko-testin në mënyrë elektronike dhe pastaj të marrin “dritë jeshile” nga kontrolli që u bëjnë anëtarët e komisionit. Pavarësisht premtimeve të kryeministrit Zaev për barazinë e shqiptarëve, sipas marrëveshjes së Ohrit të gushti të vitit 2001, shqiptarët vazhdojnë të diskriminohen dhe të mos pranohen, apo të pranohen në një numër simbolik në organet e Shtetit, ushtrisë e sigurisë.

Kontrolloni gjithashtu

Deputetët e Partisë Demokratike të Kosovës e lëshojnë sallën e Kuvendit, nuk marrin pjesë në votime

Në Kuvendin e Kosovës. në mungesë të kuorumit, ka dështuar të themelohet komisioni hetimor për kontratat njëburimore

Në mungesë të kuorumit, ka dështuar të themelohet komisioni hetimor për kontratat njëburimore, pasi deputetët …