Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Universiteti i Prishtinës shumë shpejt do të bëhet me softuerin antiplagjiaturë. Ky sistem do të mundësojë identifikimin e plagjiaturës në temat e diplomës të mbrojtura në këtë universitet. Përmes një përgjigjeje me shkrim Rektorati i UP-së e ka konfirmuar se softueri pritet të jetë funksional nga viti i ardhshëm. Në këtë sistem do të futen temat e të gjitha niveleve. “Ju njoftojmë se Universiteti i Prishtinës “Hasan Prishtina” është në fazën finale të specifikimit të kritereve teknike për softuerin antiplagjiaturë. Menaxhmenti i Universitetit beson se ky softuer do të jetë funksional gjatë vitit kalendarik 2019”, thuhet në përgjigjen e Rektoratit. Ky institucion ka bërë të ditur se shuma e përgjithshme e projektit për këtë sistem është përafërsisht 50.000 euro.
