mbpzhr 2018
kek
MIT
Airport Adem Jashari
Fillimi / Lajmet / Një kontingjent i FSK-së do të marrë pjesë në garën ushtarake ndërkombëtare “Cambrian Patrol 19” në Britani të Madhe
Një kontingjent i FSK-së do të marrë pjesë në garën ushtarake ndërkombëtare “Cambrian Patrol 19” në Britani të Madhe

Një kontingjent i FSK-së do të marrë pjesë në garën ushtarake ndërkombëtare “Cambrian Patrol 19” në Britani të Madhe

Një kontingjent i Forcës së Sigurisë të Kosovës ka udhëtuar për në Britani të Madhe, ku do të marrë pjesë në garën ushtarake ndërkombëtare “Cambrian Patrol 19”, e cila mbahet nga data 6 deri 21 tetor. FSK në këtë ushtrim do të marrë pjesë në kuadër të bashkëpunimit dypalësh me Britaninë e Madhe.  “Cambrian Patrol 19” është aktiviteti më prestigjioz ushtarak, që realizohet nga Brigada 160 e këmbësorisë, dhe është ushtrim kryesor patrullues për ushtrinë e Britanisë, i cili është i hapur për të gjitha shërbimet ushtarake të Britanisë dhe shërbimet tjera ushtarake ndërkombëtare. Këtë vit, kontingjenti i FSK-së që nga muaji shkurt ka bërë përgatitje intensive si në Kosovë ashtu edhe në Shqipëri në disiplina të ndryshme, duke filluar nga faza përgatitore për këtë ushtrim, e cila ka zgjatur rreth tetë muaj, ku janë përfshirë tre muaj parapërgatitje dhe pesë muaj trajnim intensiv.  Pjesëtarët e FSK-së po marrin pjesë në këtë garë për herë të tretë dhe se FSK-ja për herë të parë mori pjesë në këtë garë në vitin 2016, dhe në mesin e shumë shteteve pjesëmarrëse kontingjenti i saj pati marrë Medaljen e artë, ndërsa në garën e vitit 2018 kontingjenti i FSK-së ishte shpërblyer me Medaljen e bronztë.  Ushtrimi “Cambrian Patrol” ka filluar që nga viti 1959, dhe  në mbarë botën njihet si një nga patrullat më të vështira, ku një numër i vogël skuadrash arrijnë të dekorohen me medalje, ndërsa shkalla e dështimit është mjaft e lartë.

Kontrolloni gjithashtu

Rada Traikovic

R.Trajkoviq: Të gjithë qytetarët e Kosovës dhe Albin Kurti po mbijetojnë, për shkak të ndarjes me “koalicionin e luftës’”

Ish-deputetja e Kuvendit të Kosovës, Rada Trajkoviq, e cila në zgjedhjet e 6 tetorit ishte ...