Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Një prokuror ndërkombëtar i parashtroi dy aktakuza në Gjykatën Themelore të Prishtinës në lidhje me “krim të organizuar dhe korrupsion” ndaj grupit të udhëhequr nga ish-deputeti i PDK-së, Azem Syla. Sipas njoftimit për media, në aktakuzën e parë akuzohen 22 të pandehur, ndërsa në aktakuzë janë renditur 46 pika të akuzës për vepra penale duke përfshirë krim të organizuar, pastrim i parave, marrje të mitos, mashtrim i rëndë, mashtrim në detyrë, nxjerrje të vendimeve gjyqësore të kundërligjshme, keqpërdorim i pozitës zyrtare, legalizimi i përmbajtjes së falsifikuar dhe evazion fiskal. Ndërsa, në aktakuzën e dytë akuzohen 17 të pandehur për pastrim të parave. Ky rast ka të bëjë me një grup të organizuar të strukturuar, me hierarki të organizuar dhe afatgjatë, i cili i ka privuar Kosovës disa prona shoqërore. Ky grup thuhet se ka qenë aktiv prej vitit 2006, dhe ishte i përbërë nga shqiptarë të Kosovës dhe pjesëtarë serbë, thuhet në njoftimin e Prokurorisë Speciale.
