Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Një vit më parë, më 5 nëntor 2020, Policia e EULEX-it, me një ndërmarrje spektakolare, tipike policore, si ato të kohës së regjimit të Milosheviqit, kishte arrestuar tre ndër drejtuesit e luftës së UÇK-së, Hashim Thaçi, Kadri Veseli dhe Rexhep Selimi, ndërsa një ditë më parë kishte arrestuar zëdhënësin e luftës së UÇK-së, Jakup Krasniqi. Paraprakisht, me urdhër të Gjykatës Speciale ata kishin arrestuar edhe eprorin e UÇK-TMK-së, Sali Mustafa, dy krerët e OVL të UÇK-së, Hysni Gucatin e Nasim Haradinajn e disa muaj më vonë ishte arrestuar edhe luftëtari dhe eprori, Pjetër Shala. Të tetë këta luftëtarë e çlirimtarë të Kosovës po mbahen në arrest në burgun e Sheveningenit në Hagë, të akuzuar se gjoja gjatë kohës së luftës në vitet 1998-1999 kanë kryer krime lufte. Aktakuza e kësaj gjykate i trajton si grup i organizuar për krime të pretenduara gjatë luftës, me theks të veçantë për keqtrajtime të kundërshtarëve politikë.
