Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Numri i lëndëve të pashqyrtuara nëpër gjykata ka arritur në 400 mijë. Zyrtar të Këshillit Gjyqësor të Kosovës kanë deklaruar se deri te ky numër kaq i madhe i lëndëve të pazgjidhura ka ardhur si pasojë e barjtjes së lëndëve të pazgjidhura nga viti në vit si dhe për shkak të mungesës së burimve njerëzore. Nga ana tjetër, organizatat joqeveritare që monitorojnë punën e sistemit të drejtësisë në Kosovë nadjnë mendimin se krahas problemeve në vonesat e shqyrtimit të lëndëve në gjykata dhe prokurori, ka probleme edhe me kategorizimin e lëndëve, të cilat duhet të jenë me prioritet për shqyrtim. Njohës të fushës së drejtësisë kanë tërhequr vërejtjen se me vonesën e zgjidhjes së lëndëve të cilat janë në gjykata, qytetarëve po u shkelen të drejtat elementare. Sipas shënimeve të Këshillit Gjyqësor të Kosovës, gjykatat me më së shumti lëndë të pazgjidhura janë gjykatat themelore në Prishtinë, Gjakovë, Prizren, Pejë, Ferizaj, Mitrovicë e Gjilan. Numri më i madh i lëndëve të pazgjidhura kanë të bëjnë me kundërvajtje.
