Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Veprimtari ndër më të zellshmit e kohës sonë, ish i burgosuri politik, folësi i parë i Radios-Kosova e Lirë, dhe anëtar i stafit, luftëtari i barrikadave të Dukagjinit, profesori universitar, publicisti dhe autori i disa librave më dëshmi për krimet makabre serbe në Kosovë, Nusret Pllana ka reaguar përmes një postimi lidhur me gjenocidin serb në Kosovë. Ai ndër të tjera e ka ngritur shqetësimin e tij për mos referimin e saktë të statistikave nga institucionet e Kosovës për fëmijët e vrarë gjatë luftës së fundit nga okupatori serb. “Miliona dëshmi të gjenocidit serb dyshekullor mbi shqiptarët! Vetëm në periudhën e viteve 1981 – 1999, Serbia pushtuese na i vrau e masakroi 1432 fëmijë, e jo 1133, siç po thirren në këtë shifër të pasaktë liderët e Republikës së Kosovës, duke i vrarë për të dytën herë engjëjt tanë të pafajshëm, mbi gjakun e të cilëve, me vetëdije apo pa të, po shkelim çdo ditë. Me vet faktin që ende nuk ua ngritëm OBELISKUN përballë aeroportit ndërkombëtar “ADEM JASHARI”, në Prishtinë, vazhdon të na mallkoj gjaku i tyre i njomë, që është themeli i lirisë që po e gëzojmë ne të gjallët e vdekur!”, ka shkruar ai në reagimin e tij.
