Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Faturat e reja të energjisë elektrike po mbërrijnë me një rritje prej 16.1%, në atë që njihet si shtrenjtimi i tretë brenda qeverisjes së Albin Kurtit. Zyrtarë të opozitës e kanë quajtur këtë vendim të Bordit të Zyrës së Rregullatorit për Energji si të papërgjegjshëm dhe të lidhur me interesa të grupeve të fuqishme ekonomike, që ata i quajnë “mafia energjetike”. PDK dhe LDK kanë paralajmëruar veprime të ashpra sapo të konstituohet Kuvendi, përfshirë shkarkimin e Bordit të ZRrE-së dhe ndjekje penale ndaj anëtarëve të tij. Kryetari i PDK-së, Memli Krasniqi, e ka akuzuar qeverinë Kurti për krijimin e një “katrahure energjetike”, ndërsa ka lidhur rritjen e çmimeve me interesa të ngushta financiare që, sipas tij, përfshijnë figura të përfolura si ambasadori Martin Berishaj. Këto vendime janë të diktuara nga interesat e KEDS-it dhe KESCO-s, dhe të mbështetura nga një ZRrE e kapur politikisht, ka deklaruar edhe nënkryetarja e LDK-së, Hykmete Bajrami, duke shtuar se Bordi aktual mbron fitimet e korporatave në dëm të qytetarëve. Në të njëjtën kohë, kryeministri Kurti ka shmangur përgjigjet publike.
