Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
PDK-ja dhe AAK-ja shprehen të shqetësuara për rrezikun që i kërcënohet vendit me projektin e ri të Asociacionit të komunave me shumicë serbe, të cilin e kanë propozuar diplomatët euro-amerikanë më 21 tetor. Edhe pse ende nuk është bërë publik, projekti i prezantuar nga ish-kryeinspektori i AKI-së, Burim Ramadani, për të cilin thuhet se është origjinali, ka elemente që janë problematike për vendin dhe që krijon një lloj autonomie për serbët në veri. Deputeti i PDK-së, Xhavit Haliti, thotë për KosovaPress, se qeveritarët duhet të kenë kujdes në këtë draft dhe përmes vërejtjeve të tyre të largohen çështjen shqetësuese për vendin, siç thotë është theksimi në preambulë të rezolutës 1244. Më kritik kundër Qeverisë në lidhje me dialogun dhe për Asociacionin, është shprehur deputeti i AAK-së, Pal Lekaj. Zëvendëskryeministri, Besnik Bislimi, kryenegociator për dialogun me Serbinë, ka thënë se shqetësimet e ngritura se po krijohet një autonomi për serbët në veri përmes Asociacionit janë të individëve që po shpërndajnë drafte dhe jo të qeverisë.
