Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Zyra për Informim e Policisë së Kosovës ka paralajmëruar se do të arrestojë kryetarin e Partisë Radikale serbe, Vojsllav Sheshel, në rast se ai hyn në territorin e Kosovës. Daut Hoxha, zëdhënës në Policinë e Kosovës, ka thënë se organet e rendit do të zbatojnë vendimin e Ministrisë së Punëve të Jashtme të Kosovës për ndalimin e hyrjes së Sheshelit në vendin tonë. “Policia e Kosovës bazuar në vendimin e marrë nga autoritetet shtetërore, përkatësisht nga Ministria e Punëve të Jashtme e Republikës së Kosovës, do të ndërmarrë të gjitha masat e nevojshme konform obligimeve ligjore”, ka thënë zëdhënësi i Policisë, Dauta Hoxha. Përndryshe, Vojsllav Shesheli disa herë ka bërë të ditur agjendën e tij për të mbajtur tubim në veri të Kosovës me mbështetësit e partisë së tij.
