Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Po zhvillohen aktivitete tematike, kulturore e përkujtimore për nder të 11 vjetorit të Pavarësisë së Kosovës. Këto aktivitete kanë filluar sot para dite kur Deklarata e Pavarësisë është nisur nga Kuvendi i Republikës së Kosovës, për në 7 qendrat kryesore të vendit në Prishtinë, Mitrovicë, Pejë, Prizren, Gjilan, Gjakovë, Ferizaj. Nesër më 17 shkurt 2019, në orën 8:00 do të mbahet mbledhja festive e Qeverisë. Pastaj do të bëhet ngritja solemne e Flamurit të Kosovës, në oborrin e Qeverisë ku të pranishëm do të jenë liderët shtetërorë. Fillimisht vendosen kurorash tek shtatorja e ish-kryetarit Rugova, ndërsa nga 9:40 – 09:50, pritet të vendosen kurora në Kompleksin Memorial “Adem Jashari” në Prekaz. Në vazhdim do të mbahet seanca Solemne e Kuvendit të Republikës së Kosovës, ndërsa nga ora, 12:20 – 13:00, parakalojnë ushtarët e Forcës së Sigurisë së Kosovës në Sheshin kryesor të Prishtinës.
