Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Policia e Kosovës bërë të ditur se në rrethana të panjohura ka shpërthyer një zjarri ndërsa njësitet e zjarrfikësve të Lipjanit, Llapnasellës e Artanës së bashku edhe me njësitet policore kanë arritur që të lokalizojnë zjarrin. Po ashtu në raport thuhet se sipas rojës së pyllit janë dëmtuar rreth 20 hektarë pronë shtetërore dhe 5 hektarë male pronë private. Lidhur me rastin është informuar edhe prokurori, ndërsa rasti është duke u hetuar. Edhe në Gushtericë të Epërme të Graçanicës është përfshirë nga zjarri një objekt ndihmës. Për shkaqe ende të panjohura është përfshirë nga zjarri një objekti ndihmës, pronë private është bërë e ditur në raportin e Policisë. Ndërkaq, një person nga Ramjani i Vitisë dje ka njoftuar se disa ara të papunuara janë përfshirë nga zjarri. Policia ka njoftuar se njësitet e zjarrfikësve kanë lokalizuar zjarrin, ndërsa nuk raportohet për të lënduar dhe të dyshuar. Një tjetër rast ka ndodhur dje në Gjilan, ku një person është arrestuar, pasi në oborrin e depos së tij kishte ndezur një zjarr për t’i djegur disa mbeturina të depos.
