Policia e vendit bëri të ditur se ka gjetur një numër dëshmish në afërsi të Kuvendit të Kosovës gjatë periudhës së zhvillimit të hetimeve, përfshirë edhe një mjet për hedhjen e predhave. Ata nuk kanë dashur të ofrojnë hollësi të tjera, për shkak të, ndjeshmërisë së hetimeve. Zëdhënës i Policisë së Kosovës, Daut Hoxha, tha se Policia në vendin e ngjarjes ka gjetur dëshmi relevante, në mesin e të cilave edhe një mjet për hedhjen e predhave, shishe të benzinës, koktej molotovi, dhe një motoçikletë të djegur jo larg nga vendi i ngjarjes“. Policia beson se dëshmitë nga vendi i ngjarjes do të çojnë drejt kapjes së autorëve të sulmit mbi Kuvendin e Kosovës, që ndodhi të enjten në mbrëmje rreth orës 23. Burime zyrtare i thanë Radios Evropa e Lirë, se sulmi u bë me mortajë dore, në lëvizje me motoçikletë nga dy persona, të cilët braktisën mjetin transportues duke e djegur dhe ikën në këmbë në drejtim të panjohur.
Kontrolloni gjithashtu
Më 9 maj të vitit 1998, kanë rënë Komandanti i Logjistikës së UÇK-së, Ilir Konushevci dhe mjeku i luftës, Hazir Mala
Më 9 maj të vitit 1998, në një pritë të organizuar nga trafikantët e armëve, …