Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Zyra për Informim e kryetarit Thaçi ka reaguar rreth planeve të paralajmëruara nga kryeministri në detyrë, Albin Kurti për përbërjen e ekipit politik të Kosovës gjatë negociatave me Serbinë. Përmes një njoftimi, kjo zyre ka bërë të ditur se kryeministri në largim nuk është konsultuar me kryetarin si udhëheqës i politikës së jashtme, duke e akuzuar për shkelje të “hierarkisë kushtetuese”. Për presidencën, “kryeministri i shkarkuar është i delegjitimuar nga votat e shumicës absolute të përfaqësuesve të popullit në Kuvendin e Kosovës dhe nuk mund të bëjë zotime në emër të institucioneve të Republikës së Kosovës dhe as në emër të një qeverie në largim”. Rrjedhimisht, sipas saj, lista e delegacionit të propozuar nga kryeministri i shkarkuar “mbetet një dëshirë personale e tij dhe asgjë më shumë”.
