Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Presidenti i Shteteve të Bashkuara të Amerikës, Joe Biden ka emëruar diplomatin e karrierës, Jeffrey Hovenier për ambasador të ri në Kosovë. Emërimi i tij është përshëndetur nga ambasadori aktual në vendin ton, Filip Kosnet. Urime kolegut dhe mikut tim Jeffrey Hovenier për nominim e tij si Ambasadori i ardhshëm i SHBA në Kosovë, ka shkruar Kosnet. Ambasadori i ri, Jeff Hovenier, aktualisht shërben si zëvendësshef i Ambasadës së SHBA’së në Turqi. Më parë si diplomat kishte punuar edhe në Berlinin e Gjermanisë, por edhe në Kroaci, Greqi, Panama, Paraguai dhe Peru. Në vitin 2018, presidenti i atëhershëm, Hashim Thaçi, e kishte dekoruar Hovenierin me Medaljen Presidenciale Jubilare të 10-vjetorit të Pavarësisë, për kontributin e tij në lirinë dhe pavarësinë e Kosovës. Me këtë rast, ai ishte shprehur: Familja ime dhe unë ndihemi shumë të nderuar. Ndryshimet pozitive në Kosovë janë mbresëlënëse. Unë gjithmonë do të jem një mik i Kosovës”, kishte thënë mes tjerash Jeffrey Hovenier.
