Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Prokuroria e Krimeve të Rënda, në Shqipëri, ka zbuluar një rast korrupsioni ku është përfshirë një prokuror dhe avokatja e një të pandehuri. Prokurori, Përparim Hasa dhe avokatja, Donata Lepenica janë kapur mat nga kamerat e sigurisë së institucionit të akuzës duke marrë para, me qëllim ndryshimin e akuzës së një të akuzuari. Në pamjet filmike janë fiksuar momentet kur prokurori dhe avokatja takohen në zyrë dhe i jep prokurorit 2 mijë euro për llogari të një klienti. Po ashtu, nga përgjimet telefonike zbulohet se avokatja i drejtohet të pandehurit që ajo mbron, se “gjithçka e ka zgjidhur me prokurorin”. Krimet e Rënda kanë bllokuar serverin e Prokurorisë së Tiranës ndërkohë është vendosur pezullimi nga detyra i prokurorit të Tiranës, Përparim Hasa, me vendim të Gjykatës së Krimeve të Rënda dhe arrestimi i avokates, Donata Lepenica.
