Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në seancën e sotme, në fjalën përmbyllëse të Prokurorisë për lëndën ”Lagjja e Trimave”, u kërkua burg të përjetshëm për 37 të akuzuar për terrorizëm dhe organizatë terroriste. Nga ana tjetër, mbrojtja kërkoi shqyrtim të rastit dhe paralajmëroi se fjalët përmbyllëse të tyre do të tregohen në seancën e radhës të caktuar për më 28 korrik. Prokuroria sqaroi të dhëna rreth sulmit, logjistikës, ndihmësve të grupit që kaluan nga Kosova në Maqedoni, si edhe kush siguroi armë dhe ushqime. Mirëpo, të akuzuarit i kanë hedhur poshtë fjalët e palës së akuzës, duke i konsideruar si të pavërteta, Për luftimet e 9 dhe 10 majit të vitit 2015 në Kumanovë po akuzohen 37 shqiptarë, kryesisht nga Kosova. Në luftimet e atëhershme ranë 10 shqiptarë kryengritës ndërsa u vranë 8 pjesëtarë të njësive speciale të Maqedonisë.
