Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Prokuroria Speciale ka ngritur aktakuza ndaj dy ministrave të Qeverisë Haradinaj. Pas Besim Beqajt dhe të tjerëve në rastin “Pronto”, këtë të enjte u bë e ditur se kjo prokurori ka akuzuar edhe ministrin e Infrastrukturës, Pal Lekaj. Ai akuzohet për veprat, përvetësim në detyrë dhe keqpërdorim të detyrës zyrtare, për kohën sa ishte në krye të Komunës së Gjakovës.
Ministri Lekaj reagoi pasi për aktakuzën është njoftuar nga mediet derisa ka shpjeguar se rasti kishte ndodhur para 10 vjetëve dhe kishte të bënte me subvencione. “Ashtu siç kam qenë, do të vazhdoj të jem në krye të detyrës, për t’i përmbushur obligimet tona ndaj qytetarëve dhe vendit tonë. Cilido që do të jetë epilogu i organeve të drejtësisë, jam i gatshëm ta respektoj. Por, nuk do të ndalemi në punën tonë, pa marrë parasysh tendencën dhe presionin”, ka thënë Lekaj.
