Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në Bibliotekën Kombëtare të Kosovës sot u promovuan dy libra për dëshmoren Antigonë Fazliu. Verpra grup autoresh “Bukuroshja e Lirisë” dhe “Jeton Gona në zemrat tona” të autorit Zymer Mehani. Redaktori i librit Hamdi Thaçi para të pranishmëve lexoi biografinë e dëshmores Antigonë Fazliu. Ajo ishte re në moshë por ishte e gjithanshme kur ishte në pyetje shërbimi për kombin e atdheut. Edhe data e lindjes së saj 11 marsi 1981 sikur i përcaktoi jetën e saj. Recensenti i librit “Bukuroshja e Lirisë”, Zymer Mehani, paraqiti një përmbledhje të poezive për dëshmoren Antigonë Fazliu. Autori i librit Sheremet Prokshi tregoi se 90 autorëve që kanë shkruar poezi dhe tektste këngëve për dëshmorën Antigonë Fazliu,janë nga trevat e ndryshme shqiptare. Bashkëluftëtarja e Antigonës, Elheme Hetemi tregoi një pjesë nga luftimet në Prekaz ku kishte edhe humbje nga radhët e çlirimtarëve. Ishte komandant Ilaz Kodra që dërgoi përforcime në betejë, ku u plagos rëndë Abdyl Kodra, heroina Antigonë Fazliu ia dha ndihmën e parë dhe e dërguan në spitalin ushtarak në Krasaliq. Në emër të familjes Fazliu vëllai Hajrizi evokoi kujtime për motrën Antigonë qe në kulën e rinisë u përjetësua në altarin e Lirisë. Aktori Dibran Fylli recitoi një poezi për dëshmoren.
