Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Qeveria e Isa Mustafës, e cila ditë e më tepër po i merr formatet e një Qeverie kuislinge, vazhdon të forcojë pozitat në politikë me figura mercenarësh nga ish komiteti komunist jugosllav. Jo zyrtarisht bëhet e ditur se me pëlqimin edhe të Beogradit zyrtar, mistri i Jashtëm, Enver Hoxhaj emëron ish komunistin jugosllav, Azem Vllasi këshilltar për Bosnje e Hercegovinë. Vllasi do të jetë këshilltar për politikë të jashtme i ministrit, Enver Hoxhaj. TV Dukagjini merr vesh nga burime të tij se Vllasi do të jetë i ngarkuar me çështje të Bosnjë dhe Hercegovinës dhe tashmë i janë përcaktuar detyrat me rëndësi. Ministri e ka menduar se Kosova mund të përfitojë edhe më shumë e veçmas politika e jashtme në raport me Bosnjën (për shkak të përvojës që ka Azem Vllasi në këtë drejtim dhe kontakteve të pandërprera me ish jugo-komunistët).
Azem Vllasi ka mbajtur qëndrim antishqiptar në demonstratat e vitit 1981, ka propozuar që Lëvizja për Republikën e Kosovës të shpallet kundërrevolucion, ka akuzuar Universitetin e Prishtinës si bastion i nacionalizmit shqiptar duke bërë pastrime ideopolitike dhe duke burgosur kuadro si: Ukshin Hoti, Halil Alidemaj, Ali Hadri e shumë të tjerë, ka qenë zëdhënësi më i egër dhe më fanatik i luftës kundër demonstratave dhe kryengritjes gjithë-popullore të vitit 1981. Azem Vllasi nuk është rrezikuar asnjëherë nga regjimi i Milosheviqit gjatë luftës, përkundrazi ai së bashku me Veton Surroin, Shkëlzen Maliqin e të tjerë të këtij soji serbofilësh, kanë vazhduar bashkëpunimin e pandërprerë me zyrtarët serbë të çdo lloj qeverie të deritanishme. Emërimi i Azem Vllasit në një detyrë zyrtare në Ministrinë e Jashtme është shkelje e gjakut të derdhur për liri, është fyerje për dhjetëra mijëra të burgosur politikë dhe liridashës të Kosovës…
