Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Pas një gabimi në një publikim të Qeverisë Hungareze, ku Kosova u përfshi gabimisht si pjesë e Serbisë në një hartë që tregonte fitoret e shteteve në Lojërat Olimpike, ish-ministri i jashtëm i Kosovës, Enver Hoxhaj, reagoi ashpër. Hoxhaj kritikoi qeverinë hungareze për publikimin, duke theksuar se vendi i Kosovës në hartë dhe medaljet e saj janë të pamohueshme. Pas këtij reagimi, Qeveria e Hungarisë veproi shpejt, duke përmirësuar publikimin dhe duke fshirë versionin e gabuar. Ballazh Orban, Shefi i Kabinetit të kryeministrit hungarez Viktor Orban, i cili fillimisht publikoi hartën me gabimin, njoftoi për korrigjimin e bërë dhe shprehu urime për medaljet e fituara nga Kosova.
