Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Familjarët e të zhdukurve gjatë luftës në Kosovë kanë kërkuar nga institucionet e Kosovës që fati i të pagjeturve të jetë temë e bisedimeve në Bruksel. Mirëpo, deri më tani në tryezën e bisedimeve nuk është diskutuar për zbardhjen e fatit të te pagjeturve. Në Kosovë, sipas të dhënave të Komisionit Qeveritar për të Pagjetur, figurojnë edhe 1660 persona të zhdukur nga lufta. Ndonëse kryeministri i Kosovës, Isa Mustafa, ka deklaruar se në Bruksel do të diskutojnë edhe për të pagjeturit, sërish kjo çështje ka mbetur jashtë agjendës. Prenk Gjetaj, kryetar i Komisionit Qeveritar për Personat e Pagjetur, ka thënë për gazetën “Zëri”, se kryeministri ka përmendur se të pagjeturit do të jenë në agjendë. Ne do ta dorëzojmë si kërkesë tonën që të futet në agjendë të bisedimeve edhe çështja e të pagjeturve, deklaroi Gjetaj.
