Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Pas vizitës disaorëshe në qytetin e Vlorës, takimin me kryebashkiakun Dritan Leli, homazheve pranë varrit të Ismail Qemalit dhe vizitës në muzeun historik dhe të Pavarësisë, kryeministri Ramush Haradinaj gjatë qëndrimit në Vlorë ka thënë se hapja e temës së kufijve është e papranueshme dhe ata nuk lëvizen me fjalë. Për fat të keq për popujt e Ballkanit, luftërat kanë qenë tragjike në të kaluarën dhe realiteti i sotëm është krejtësisht rezultat i epilogut të atyre luftërave. Hapja e temës së kufijve është e papranueshme për mua. Ajo për të cilën unë jam pro është që të më 1 janar të hiqet dogana midis Kosovës dhe Shqipërisë. Fjala për kufijtë është një retorikë politike. Beogradi bën një retorikë, Prishtina i bën një kundërpërgjigje, në fund kufijtë nuk lëvizen me fjalë. Ne fatmirësisht jetojmë në demokraci por kufijtë janë ndarë si rezultat i epilogut të luftërave dhe ata nuk duhet të preken ka thënë Haradinaj për mediet në Shqipëri.
