Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Aleancës për Ardhmërinë e Kosovës, Ramush Haraidnaj pas takimit që ka zhvilluar me kryeministrin e Kosovës, Albin Kurti, tha se kanë diskutuar për dialogun me Serbinë. Ai është shprehur se mungesa e e Shteteve të Bashkuara në dialog është shqetësuese. “Patëm një takim. Tema ishte dialogu. Me 6 maj i kam dërguar një letër kryeministrit ku i kam kërkuar takim për të diskutuar rreth dialogut. Vërejtje tona janë të mungesa e SHBA -së në dialog dhe kjo nuk është e mirë. Ka konfuzion në agjenda, disa zhvillime prezantohen si agjendë e procesit të Berlinit, çështja e lëvizjes së qytetarëve me Bosnjën. Në rastet tjera si proces teknik shohim se peshën kryesorë e ka Lajçak por që është nivel i ulët i përfaqësimit në agjendë. Duhet të mos kemi befasi dhe të mbesim në ato që na obligon Kushtetuta e vendit”, tha Haradinaj. Ai theksoi se Qeveria po u ikë diskutimeve për UÇK-në. “Pastaj Qeveria ka ikje ne disa raste kur është kërkuar të diskutohet për UÇK-në. Në parlament kemi dy zonja që kanë qenë viktima e luftës dhe për këtë s’duhet të ikë Kurti por duhet të ja thotë BE-së”, tha Haradinaj.
