Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ministri i Punës dhe Mirëqenies Sociale, Skënder Reçica ka bërë të ditur së mbledhjen e sotme të kabinetit qeveritar është miratua Projektligji për Inspektoratin e Punës që i hap rrugë zbatimit me të mirë të drejtave të punëtorëve dhe luftimit punësimit jo formal por edhe sigurinë në punë.
“Në mbledhjen e sotme të Qeverisë u miratua Projektligji për Inspektoratin e Punës i cili ka për bazë zbatimin e dokumenteve strategjike të Qeverisë së Kosovës. Projektligji për Inspektoratin e Punës është në kuadër të prioriteteve të MPMS-së për vitin 2018, i cili ka për qëllim reformimin e këtij institucioni sipas standardeve ndërkombëtare të ILO-së dhe praktikave më të mira të vendeve të Bashkimit Evropian. Me miratimin e këtij Projektligji, po avancohen përpjekjet tona në përmbushjen e objektivave për fuqizimin dhe reformimin e Inspektoratit të Punës, zbatimin e të drejtave të punëtorëve, luftimin e punësimit jo formal dhe rritjen e sigurisë dhe shëndetit në punë”, ka shkruar Reçica.
