Deputetja nga radhët e Aleancës për Ardhmërinë e Kosovës, Albena Reshitaj, ka reaguar pas ngjarjeve të fundit që kanë ndodhur në Kosovë. Ajo përmes një shkrimi ka thënë se në këto ditë plagët e secilit janë të tronditura thellë. “Në këto ditë kur tronditur janë edhe varret e atyre që në moshën më të njomë braktisën ëndrrat rinore për të mbrojtur familjet, shtëpitë e lirinë e nëpërkëmbur ndër shekuj, heshtja nuk duhet zënë vend, duhet të flasim madje duhet të flasim të gjithë me një gjuhë”, ka shkruar Reshitaj. Më tej ajo ka thënë se më shumë se kurrë është momenti për zgjim të kujtesëskolektive, thirrje të mendjes për unitet e ndërgjegjësim të të gjithëve e veçmas të politikë bërësve në vend. Reshitaj, ka thënë se kur e gjithë bota ka kthyer fuqinë njerëzore në mbrojtje të shëndetit të qytetareve, sipas saj, populli ynë po rrezikon të pësojë jo vetëm nga simptomat virusale por edhe nga sulmet e armiqve tanë.
Kontrolloni gjithashtu
Prindi i ish presidentit Hashim Thaçi, Haxhi Thaçi ka uruar që sa më parë të kthehen në Kosovë të gjithë që po mbahen në Hagë
Ish kryetari, Hashim Thaçi ka pritur sot në paraburgim prindërit e tij, Haxhi dhe Hyra …