Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Agjencia e njohur e lajmeve, Reuters, ka raportuar të mërkurën lidhur me fillimin e gjykimit të parë të Gjykatës Speciale, duke paraqitur kryesisht të dhëna për krijimin e kësaj gjykate dhe për të akuzuarit. Në mesin e tyre Reuters spikat ish-kryetarin e Kosovës, Hashim Thaçi, i cili dha dorëheqje nga posti vitin e kaluar dhe u dorëzua për t’u përballur me krime lufte dhe krime kundër njerëzimit. Edhe pse prokurorët e mbajnë Thaçin përgjegjës për rreth 100 vrasje të civilëve gjatë luftës, kur ai ishte komandant i UÇK-së që i luftoi policinë e ushtrinë serbe, ai, në Kosovë konsiderohet hero kombëtar i përkrahur nga Shtetet e Bashkuara të Amerikës. Thaçi iu dha karrierës politike pasi e udhëhoqi betejën e UÇK-së kundër forcave që ishin nën urdhrin e Millosheviqit. Ai ka qenë figurë mbizotëruese politike në vend që nga shpallja e pavarësisë para 13 vjetësh. Së paku 13.000 njerëz pjesa dërrmuese shqiptarë u vranë nga forcat serbe gjatë luftës së viteve 1998-1999 në Kosovë, që atëherë ishte provincë e Serbisë nën pushtetin e kryetarit serb Sllobodan Millosheviq, thuhet mes tjerash në një shkrim të Agjencisë, Reuters.
