Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Akademiku i mirënjohur, Rexhep Qosja konsideron se veriu i Kosovës duhet t’i jepet Serbisë në këmbim të tri komunave të Kosovës Lindore, ndërsa është shprehur i gatshëm të bisedojë me serbët për çështjen e kufijve. Ai ka deklaruar se e vetmja rrugë për të arritur tek një zgjidhje e qëndrueshme është që të ketë shkëmbim territoresh me Serbinë. “Çështja serbe mund të zgjidhet duke u shkëputur një pjesë e Kosovës, veriu, dhe duke u bashkuar Lugina e Preshevës me Kosovën. Kjo nuk është e lehtë dhe ne mund të mendojmë se Serbia nuk do të pajtohet lehtë. Por, është koncept të cilin ne duhet ta kemi përpara gjithnjë. Tani për tani pajtimi i shqiptarëve dhe serbëve është utopik dhe i pamundshëm. Ata nuk e heqin mendjen nga një koncept i para 300-400 vjetëve. Serbia sundohet nga njerëz që jetojnë me mitologji, ka thënë Qosja. Shqipëria dhe Kosova do të bashkohen. Si do të zgjidhet problemi i veriut dhe i tri komunave në Veri varet nga ne dhe këmbëngulja e mençuria jonë. Por, ne do të bashkohemi, ka thënë mes tjerash, prof. dr. Rexhep Qosja.
