Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputeti i Kuvendit të Kosovës, Rexhep Selimi, deklarimet e kryetarit të Kuvendit Kadri Veseli se demarkacionin do ta votojnë edhe disa deputetë të Vetëvendosjes i ka cilësuar si deklaratë të pa qëndrueshme, dhe ka thënë se ata të cilët janë në Lëvizjen Vetëvendosje nuk e votojnë Demarkacionin. Kështu që pavarësisht që pushteti shpesh herë del në gjah, unë dua të konfirmoj, që të jesh në Lëvizjen Vetëvendosje e të votosh humbjen e territorit nuk shkojnë të dyja bashkë, prandaj deklarimet e Kadri Veselit nuk qëndrojnë. Qeveria e Ramush Haradinajt nuk po arrin assesi që të sigurojë votat e mjaftueshme për votimin e marrëveshjes së Demarkacionit me Malin e Zi. Gjatë seancave të thirrura për ratifikimin e kësaj marrëveshjeje, Haradinaj, ka përsëritur kërkesën e tij për unifikim të tërë klasës politike për çështjen e kufirit me Malin e Zi, por pa sukses. Kryetari i Kuvendit, Kadri Veseli, në mungesë të numrave, po pret ndonjë reflektim pozitiv nga deputetët tashmë të përçarë të Lëvizjes Vetëvendosje, për ta votuar Demarkacionin.
