Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kërkesa e gjyqtarëve serbë nga veriu i Kosovës për t’u rikthyer në sistemin e drejtësisë ka rikthyer në vëmendje procesin e integrimit të tyre në institucionet e Kosovës, një proces i nisur në kuadër të dialogut për normalizimin e marrëdhënieve ndërmjet Kosovës dhe Serbisë, të ndërmjetësuar nga Bashkimi Evropian. Një nga momentet kyçe të këtij procesi ishte 24 tetori 2017, kur gjyqtarët dhe prokurorët serbë dhanë betimin para presidentit të atëhershëm të Kosovës, Hashim Thaçi, duke u bërë pjesë e sistemit të drejtësisë së Republikës së Kosovës. Ky hap shënoi zbatimin e një prej marrëveshjeve më të rëndësishme të arritura në Bruksel, që synonte shtrirjen e autoritetit institucional të Kosovës edhe në komunat me shumicë serbe në veri të vendit. Pas përfundimit të procesit të betimit, 40 gjyqtarë, 13 prokurorë dhe 149 punonjës administrativë nisën punën në institucionet e drejtësisë së Kosovës, duke formalizuar integrimin e strukturave gjyqësore në kuadër të rendit kushtetues të vendit. Megjithatë, dorëheqjet kolektive të zyrtarëve serbë nga institucionet e Kosovës në fund të vitit 2022 e vunë në pikëpyetje qëndrueshmërinë e këtij procesi.
