Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Të rinjtë e PDK-së në Prishtinë sot zhvilluan aktivitet demonstrativ, tek shkallët e lagjes “Arbëria” në Prishtinë. Shkas për këtë aktivitet ishte ajo se qytetarëve të kësaj lagjeje u duhet çdo ditë të kalojnë nëpër shkallët e shkatërruara në këtë lagje. Leutrim Retkoceri, përfaqësues i RDK-së dhe kandidat për asamble në Prishtinë, tha se këto shkallë në këtë gjendje përbëjnë problem më së shumti për të moshuarit, fëmijët dhe personat me nevoja të veçanta.
“Shkatërrimi i shkallëve përbën problem për të gjithë banorët e Lagjes Arbëria ne veçanti për personat e moshuar, fëmijët për personat me afti të kufizuara ku për këta të fundit nuk ka as shtigje për karroca. Si shkas i kësaj gjendje ne kemi vendosur pankarta për t’i përkujtuar ish kryetarit Shpend Ahmetit se ai e as fëmijët e tij nuk kalojnë mbi këto shkallë ndërsa qytetarët e Lagjes Arbëria nuk fluturojnë, qytetarët ecin çdo ditë në këto shkallë të shkatërruara”, tha Retkoceri. Ai tha se për katër vite të qeverisjes, kreu i komunës së Prishtinës, Shpend Ahmeti as që është lodhur të merret me problemin e shkallëve në lagjen “Arbëria”, sikurse që nuk është lodhur me asnjë problem tjetër të qytetarëve.
