Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kërkesa e deputetes së LDK-së, Jehona Lushaku-Sadriu, për rinumërim të votave në të gjithë Kosovën, po lexohet gjithnjë e më shumë si simptomë e një krize të thellë të brendshme në parti, e jo vetëm si alarm për integritetin e procesit zgjedhor. Ndërsa flet për “cenim të vullnetit dhe dinjitetit të qytetarëve”, Sadriu hedh dritë mbi një realitet më të zymtë: përplasjet fraksionare brenda LDK-së, ku target i drejtpërdrejtë, sipas saj, ka qenë deputeti Paris Guri. Deklaratat e saj ngrenë dyshime serioze se rinumërimi po përdoret si instrument presioni politik, në një betejë të brendshme për kontroll dhe ndikim, ku figurat e reja dhe aktive shihen si kërcënim. Paris Guri, i cilësuar nga vetë Sadriu si zë i rinisë dhe një nga deputetët më aktivë, del në qendër të një lufte që rrezikon të gërryejë besimin publik dhe të thellojë përçarjen në LDK. Nëse pretendimet për ndërhyrje në vota kërkojnë transparencë dhe përgjegjësi, po aq urgjente është edhe zbardhja e motiveve politike brenda partisë. Përndryshe, rinumërimi rrezikon të shndërrohet nga mjet drejtësie zgjedhore në perde tymi për hesapet e brendshme, me kosto të drejtpërdrejtë për demokracinë dhe për vetë LDK-në.
