KEK
Fillimi / Analiza / RKL: Si ndihen sot redaktorët dhe gazetarët që nuk kishin lënë gjë të ligë pa shkruar dhe pa inskenuar kundër Sami Lushtakut?
RKL

RKL: Si ndihen sot redaktorët dhe gazetarët që nuk kishin lënë gjë të ligë pa shkruar dhe pa inskenuar kundër Sami Lushtakut?

Informata për shpalljen e pafajësisë dhe lirimin e përnjëhershëm nga burgu të Sami Lushtakut, i ka lënë si pula të lagura shumë nga jugo-gazetarët shqipshkrues, të cilët me tituj bombastikë, me përbuzje e krekosje skllavi, kishin mbushur faqet e gazetave dhe të portaleve të tyre, për katër vjet rresht  duke gjurmuar  e duke iu vënë pas Sami Lushtakut e shokëve të tij, jo vetëm në burg por edhe në spital, madje edhe në toaletet e spitalit, duke e lajmëruar përmes telefonit Salustron dhe vartësit e tij, se si Sami Lushtaku po shtirej i sëmurë për ta mbajtur burgun në Spital.  Sa e sa herë e kanë fyer e përbuzur, sa e sa herë ia kanë dëshiruar vdekjen, sa e sa herë e kanë akuzuar popullin “malok” të Drenicës, i cili ia kishte falur qind për qind besimin.

Ku janë sot surrojët, xharrët e xhaurrët buzhalët, matoshët, idrizët dhe sojsorollopi i tyre?  Kujt do t i drejtohen tani kur u mungon Salustro me specien e tij?

Por shpresa e tyre idiote nuk vdes, ajo tanimë po vjen me Gjykatën Speciale, së cilës këta i kanë shërbyer dhe po i shërbejnë, ashtu sikur baballarët e nënat e tyre, ambasadorë e prokurorë  që iu kishin shërbyer hetuesve dhe prokurorëve të Titos, Rankoviqit e Milosheviqit.

Sot në Kosovë nuk ka fituar Drejtësia, por ka fituar e drejta, ligjet e fuqishme të jetës, lufta e pastër e  UÇK-së dhe gjaku i derdhur rrëke për liri. Për katër vjet rresht prokurorët, hafijet, spiunët e pa prokopi  nuk e zbuluan dot emrin e njeriut, që pretendohej se e kishte vrarë Sami Lushtaku, nuk e zbuluan as vendin, as një  mbetje të tij, sepse ai nuk ka ekzistuar, sepse rasti ishte instruktuar.   Sami Lushtaku e tha me gojën e tij se po del nga një burg i vogël dhe po futet  në një burg të madh. Andaj nuk është koha për dalldi  dhe fjalë të mëdha, sepse na pret beteja e radhës me Gjykatën Speciale me mujsharët e Evropës dhe servilët e spiunët e Kosovës.

Kontrolloni gjithashtu

Konfirmohen 920 raste të reja me virusin korona, 1.698 qytetarë shërohen ndërsa 28 të infektuar vdesin

10 viktima dhe 173 qytetar të infektuar gjatë 24 orëve të fundit

Duke u bazuar në të dhënat e Instituti Kombëtar i Shëndetësisë Publike të Kosovës, Ministria ...