Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ministrja e Industrisë, Ndërmarrësisë dhe Tregtisë, Rozeta Hajdari ka paralajmëruar se së shpejti do të filloi realizimi i projektit për ndërtimin e parkut gjerman të biznesit në të cilin do të ketë shumë vende të punës. Ajo ka shtuar më tutje se ky park gjerman i biznesit do të vendoset në zonën ekonomike të Lipjanit. “Parku i biznesit gjerman përfshin edhe qendrën e trajnimit, përkatësisht transferimin e njohurive dhe transferimin e teknologjisë, i cili ka për qëllim ngritjen e industrisë së kualifikuar të metaleve në Republikën e Kosovës, me një grup deri në 15 ndërmarrje të vogla dhe të mesme gjermane nga sektorët e inxhinierisë mekanike, konstruksionit metalik dhe industrive të ngjashme. Parku gjerman i biznesit do të mundësojë transformimin e industrisë së Kosovës, me më shumë inovacion dhe investime për zhvillim të produkteve dhe ndërtim të një ekosistemi, që mundëson punësim dhe zhvillim më të shpejtë industrial, duke u bazuar në përvojën dhe modernizimin e ndërmarrjeve gjermane” ka thënë mes tjerash, ministrja e Industrisë, Ndërmarrësisë dhe Tregtisë, Rozeta Hajdari.
