Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Mbi 2000 e më shumë prona të ish-ndërmarrjeve shoqërore që janë nën menaxhim të së ashtuquajturës, Agjencisë Kosovare të Privatizimit nuk janë shitur ende. Edhe pse numri i pronave të pa shitura vazhdon të jetë i lartë, kjo agjenci nga dhjetori i vitit të kaluar nuk ka shpallur asnjë valë të re të privatizimit, për shkak se Bordi është jofunksional. Nga mesi i dhjetorit i vitit të kaluar u ka skaduar mandati gjashtë anëtarëve të Bordit të kësaj agjencie, ndërsa anëtarët e rinj janë emëruar ditë më parë nga Kuvendi i Kosovës. Megjithatë, ky proces sipas ekspertëve të çështjeve ekonomike është përcjellë me mangësi të shumta dhe se nuk ka gjeneruar as vende të punës, e as tërheqje të investitorëve. AKP-ja, vazhdon të jetë uzurpuese e jashtëligjshme e pronave publike të Kosovës, e cila në tërë procesin e privatizimit ka bashkëpunuar me oligarkinë dhe klanet politike e ekonomike në vend, të cilët kanë blerë me çmime krejt të lira pasuritë tokësore të vendit dhe kanë përvetësuar kapacitetet më të mëdha ekonomike e bujqësore të Kosovës.
