Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Për dallim nga vitet e tjera, është vërejtur se ky është viti i parë që serbët e Kosovës festojnë Krishtlindjet ortodokse pa praninë e liderëve e zyrtarëve të lartë të Beogradit, të cilët shpesh nuk i kanë përfillur lejet e institucioneve të Kosovës, për të marrë pjesë në ceremoni fetare, madje edhe kur janë lejuar i kanë keqpërdorën me retorikën e tyre nacionaliste. Janë dy liderë serbë, të cilët për këtë vit paralajmëruan se do ta vizitojnë Kosovën për Krishtlindje, por që nuk erdhën. Ishte fillimisht presidenti serb, Tomisllav Nikoliq, të cilit qeveria e Kosovës ia refuzoi kërkesën për të qëndruar në Shtërpcë. Për këto krishtlindje vizitë kishte paralajmëruar edhe kryeministri serb Aleksandër Vuçiq. Ai më 26 dhjetor të 2016, pas një takimi që pati me Listën Serbe, tha se do të qëndrojë në Kosovë, por që nuk e përmendi më këtë vizitë.
